Ein ny månad er pinadeg over, og det er på tide å finne fram den herlege KK-adventskalenderen. Ja, for den finst faktisk, og er fyllt med sjokolade i glinsande papir. :)
Følg med meg på Facebook snarleg for ein herleg «vinn ein julekalender»-konkurranse!
I november har vi drive med litt forskjellig som vanleg… OM Marine Service AS har skifta namn til Hydra Maritime AS og i samband med det må ny logo til. Denne har vi designa.
Sogn og Fjordane fylkeskommune har laga handlingsplan til verdiskapningsplanen. Planen har vi designa i tråd med den grafiske profilen til fylkeskommunen.
Østerbø Maskin AS har fått seg flott kalenderplakat for 2015, fotosession og oppfølging av div IT-saker. Samt presentasjon og innlegg i Sløvågposten til opninga av nytt kontor i «Vidsyn».
Talbudsjettet til Hordaland fylkeskommune vart sydd saman i midten av månaden.
Og sportsm.no er endeleg lansert med presentasjon av Lacatoni sportsutstyr og tilbod innan treningsleir/fotballskule.
Og på Stordalenhytte.no er det litt nyhende å sjå.
Trøkking
Dette var og månaden den nye printeren eeendeleg vart installert og produksjon av trykkemerker er i gong «inhouse». Juhuu! Den er grå og fin og kan skrive ut kvitt. Dermed har eg brukt litt tid denne månaden på logotrykk av profilklede og trykk av eigen design på produkt. Som eit resultat av dette har eg stabla på beina ein liten nettbutikk med nokre lokalpatriotiske produkt.. Planen her er å få på plass eit eige lokale/verkstad til denne aktiviteten og dermed kunne utvide tilbodet.
Kalender og SuperTorsdag
I november var IkjefjordKalenderen 2015 klar for sal! I lag med Ikjefjord bibliotek arrangerte vi SuperTorsdag med vafler, prat og ei lita salsbod i hjørnet. Dette vart ein fin dag, mykje kjekke folk som bur i denne fjorden :)
No er det berre å glede seg til jul og eit nytt og spennande år på andre sida :)